Da Lebensplan

Najo, oftmoils im Lebm spült a an Streich, fehlt an da Plan, daun is guat, waun ma woaß, wo man find.

Hausvastaund sogn ma dazua, oba oftamoil spült a uns an Streich und daun is guat, dass ma se drauf bsinnt, wos an eh da normale Hausvastaund sogt.

Hausvastaund sogt ma a dazua, doh oftmoils glaubt ma net, dass man eh hot und daun suacht ma und daun wiards zach.

Ich frog mih des öftern, zuwos habm mia unsa Persönlichkeit und unsan Sölbstdenker auf de Wölt mitkriagt
AKTUELLES THEMA – sind meine Lieblingsthemen 1min. + 40 sek.

Da Lebmsplan
Munta werdn, aufsteh
s`erste Problem
mia föhlt füa heit
da Plan zun Lebm.

Do gibt`s doh
sichalich a Buach
wo ih gleih noch
da richtign Lösung suach.
oder
wo ih noch ana
Lösung suach.

„Loss los und leb“
steht groß voa mia
zvül sinniern,
steht net dafir.

Er schreibt wias geht
der guate Maun,
nua wo faung ih
aum gschicktan au.

Je mehr ih drinn les,
desto größa werdn Sorgn,
wos bringt da Tog
nochn aufsteh morgn?

Gnuag glesn für heit
ih leg s` in a Eck
und spend`s bei Zeitn
für an guatn Zweck.

Bein nochdenga,
wia kaun`s aundars sei,
stöllt se wieda des
schlechte Gwissn ei.

De oane Lektüre
kimmt nimma in Frog`
ih versau ma net nuh amoil
so an schen Tag.

Bein Suacha
werd ih fündig,
Psychologie
und tiefengründig,

da Titl alloan
stöllt ma de Weich`
den do drauf steht
werd‘ glücklih und reich.

Voilla Freid les ich do,
wos in den Buacherl steht,
zuwos daun nuh spoarn
wauns eh vül oanfocha geht?

Buach um Buach
waundert so ins Eck,
übrig bleibt
da guate Zweck.

Es gibt jo sehr vül gscheite Leit,
mei Froag war doa,
wia lebms sölba
de mehra Zeit.

Drum schau ih liaba
wos ih ois kaun
und faung a gleih
zun Nachdenga aun.

Vatrau weit mehr
auf mei Gschick
und den Hausvastaund
zun Glick.

Loss ma nimma dreiredn,
vagiß auf `s sorgn,
seit dera Zeit gfrei ih mih wieda
auf morgn.

Angela Michaela Hopf,
Februar 2013

Vertrau auf
mei bsundars Gschick
und den Spritza Lebensglick.

Loss mih auf `s Lebm ei,
vagiß des sorgn,
seit dera Zeit gfrei ih mih
wieda auf morgn.

Author: wax-word-admin

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.

76 − = 70